नेपालगञ्ज : भेरी अस्पताल नेपालगञ्जको सम्पूर्ण ओपिडी सेवा शनिवारदेखि बन्द भएको छ । नेपालीहरूको महान पर्व विजयादशमीको अवसरमा आजदेखि ९ गतेसम्म अस्पतालको सम्पूर्ण ओपिडी सेवाहरु बन्द भएको अस्पतालले जनाएको हो ।
भेरी अस्पतालका निमित्त मेडिकल सुपरिटेन्डेन्ट डा. दिनेश कुमार चौधरीले एक सूचना जारी गर्दै कार्तिक ४ गतेदेखि ९ गतेसम्म दशैं बिदा परेकाले अस्पतालको सम्पूर्ण ओपिडी सेवाहरु बन्द रहने र इमरजेन्सी र इन्डोर लगायतका अन्य सेवाहरु यथावत रुपमा सञ्चालनमा रहने जानकारी दिएका छन् ।
