नेपालगञ्ज : नयाँ नोट लिन नेपाल राष्ट्र बैंक नेपालगञ्ज कार्यालयमा थामिनसक्नु भिड लागेको छ । बिगतको जस्तो सबै बैंकले नयाँ नोट दिन पाएका छैनन् ।
जसको प्रत्यक्ष प्रभाव राष्ट्र बैंकको नेपालगञ्ज कार्यालयमा देखिएको छ । नयाँ नोट वितरण गर्न शुरु गरेदेखि नै यहाँ दैनिक जसो थामिनसक्नु भिड लागेको छ ।
![](https://sadarline.com/wp-content/uploads/2023/06/355735841_163168713323414_6806641009584846467_n.jpg)
![](https://sadarline.com/wp-content/uploads/2023/10/Ntc-add-1-.jpg)
दशैंका लागि प्रतिव्यक्ति १८ हजार पाँच सय रुपैयाँको दरले नयाँ नोट वितरण गरिरहेको छ । राष्ट्र बैंकले दशैं–तिहारमा दक्षिणा र पूजाका लागि नयाँ नोट साट्ने सुविधा दिँदै आएको छ ।
नेपाल राष्ट्र बैंक मुद्रा व्यवस्थापन विभाग प्रमुख नरेश शाक्यका अनुसार घटस्थापना आसपासदेखि प्रतिव्यक्ति १८ हजार पाँच सय रुपैयाँसम्म नयाँ नोट वितरण गर्ने तयारी छ । अघिल्ला दुई वर्ष पनि राष्ट्र बैंकले प्रतिव्यक्ति बढीमा १८ हजार ५ सय रुपैयाँसम्म नयाँ नोट दिने गरेको थियो ।