खजुरा (बाँके) : बाँकेको खजुरा क्षेत्रबाट १४ वर्षिय किशोरसहित ४ जना प्रतिबन्धित लागू औषध ब्राउन सुगरसहित प्रहरी नियन्त्रणमा परेका छन् । बाँके प्रहरीले बुधबार १४ वर्षिय किशोरसहित चार जनालाई लागू औषध ब्राउनसुगरसहित पक्राउ गरेसँगै लागू औषध कारोबारमा नाबालिक प्रयोग हुने गरेको पाईको हो ।
इलाका प्रहरी कार्यालय, धनौली खजुराको टोलीले खजुरा( ६, सिमलघारीबाट १४ वर्षिय किशोरसहित अन्य ३ जनाबाट २ ग्राम ६ सय ५० मिलिग्राम ब्राउनसुगर बरामद गरेको जनाएको छ । नाबालक किशोर र २० वर्षिय कालु सुनारबाट सय मिलिग्राम ब्राउनसुगर तथा सिमलघारीबाटै २३ वर्षिय मनोज बस्याल र २४ वर्षिय बादल नेपालीबाट दुई ग्राम ५ सय मिलिग्राम ब्राउनसुगर बरामद भएको इलाका प्रहरी कार्यालय धनौलीले जनाएको छ ।
लागु औषधको कारोबार भइरहेको भन्ने सूचनाका आधारमा प्रहरी त्यहाँ पुग्दा लागु औषध सहित किशोर सहितका युवाहरु ब्राउन सुगर सहित फेला परेको इलाका प्रहरी कार्यालय धर्नालीका प्रमुख अशोक मल्लले जानकारी दिए ।
पछिल्लो समय बाँकेका बालक र किशोर लागु औषध र चोरीमा बढी फेला समातिने गरेका छन् । लागु औषधको लतमा लागेकाहरु चोरीमा संलग्न भएको पाइने गरेको प्रहरी तथ्याँकले देखाएको छ । खबरकुराबाट
