नेपालगञ्ज : बाँकेमा करेन्ट लागेर एक युवकको मृत्यु भएको छ । आइस्क्रीम बेच्ने रिक्साको चार्जर निकाल्ने क्रममा करेन्ट लागेर बाँकेको जानकी गाउँपालिका वडा नं. ५ स्थित रामगाउँका २९ वर्षीय सोनु इद्रिसीको मृत्यु भएको हो ।
रिक्साको चार्जिङ तार निकाल्ने क्रममा करेन्ट लागेर उनी गम्भीर घाइते भएका थिए । उपचारका क्रममा नेपालगञ्ज मेडिकल कलेजमा उनको मृत्यु भएको वडा नं. ५ का वडाध्यक्ष टिकानाथ यादवले जानकारी दिए ।
