बर्दिया : बर्दियाको बढैयाताल गाउँपालिका वडा नं. २ फुटाहाबाट लागूऔषध ब्राउनसुगरसहित एक जनालाई प्रहरीले पक्राउ गरेको छ ।
जिल्ला जुम्ला तिला गाउँपालिका वडा नं.०७ घर भई हाल जिल्ला बाँके खजुरा गाउँपालिका वडा.नं.६ बस्ने अं.वर्ष ३३ को दिलिप रोकायालाई पक्राऊ गरेको प्रहरीले जानकारी दिएको छ ।
प्रहरीका अनुसार, भारतबाट नेपालतर्फ साइकलमा आउदै गरेको रोकायालाई जाँच गर्दा निजले चलाई लिएको साईकलको अगाडीको हेण्डिलको दाँया तर्फ रहेको घण्टी भित्र पहेलो प्लाष्टिकमा २ पुरिया बनाई लुकाई छिपाई राखेको लागू औषध फेला पारी पक्राउ गरेको हो । उनको साथबाट १ ग्राम ०२० मिलिग्राम लागूऔषध ब्राउनसुगर प्रहरीले बरामद गरेको छ ।
बर्दिया जिल्ला अदालत गुलरिया बर्दियाबाट लागू औषध ब्राउन सुगर मुद्दामा म्याद थप गरी अनुसन्धान कार्य भइरहेको प्रहरीले जनाएको छ ।
