नेपालगञ्ज : मुगुमा हिमपहिरोमा परेर तीन जनाको ज्यान गएको छ । च्यार्खु लेकमा हिमपहिरामा परेर जुम्लाको पातारासी गाउँपालिकाका तीन जनाको घटनास्थलमै ज्यान गएको हो । पातारासी–२ तल्फीगाउँका ४० वर्षीय तारासिंह सार्की, ३६ वर्षीय पुन्न सार्की र ३६ वर्षीय वीर बोहोराको मृत्यु भएको बताइएको छ ।
यार्सा संकलनका लागि पातारासीबाट गएका १४ जनाको टोली मध्ये तीन जनाको मृत्यु भएको हो । अन्य सामान्य घाइते भएका छन् । प्रहरीको टोली घटनास्थलतर्फ गएको छ ।
यार्सागुम्बा संकलनका लागि गाउँपालिकाले अगामी जेठ ४ गतेदेखि प्रवेश अनुमति खुला गर्ने भनिए पनि त्यो सूचनालाई छलेर अहिले सयौँ व्यक्ति अर्कै बाटो हुँदै मुगुको पाटनमा पुगेका छन् ।
