नेपालगञ्ज : नेपालगञ्जको जमुनाहा नाकामा शुक्रवार पाँच जनामा कोरोना पुष्टि भएको छ । भारतको विभिन्न ठाउँबाट आएका पाँच जना नेपालीमा कोरोना देखिएको नेपालगञ्ज उपमहानगरपालिकाका स्वास्थ्य महाशाखाका जनस्वास्थ्य निरीक्षक तेज वलीले जानकारी दिए ।
नाकामा १ सय ५४ जनाको परीक्षण गर्दा जाजरकोट, जुम्ला, कालीकोट, कैलाली र सल्यानका एकएक जनामा कोरोना देखिएको हो ।
कोरोना देखिएकाहरु आ–आफ्नो घरतर्फ लागेका छन् । केही दिनयता नेपालगञ्जको भेरी अस्पतालमा विरामी आएका छन् । भेरीको ल्याबले पनि कोरोना पुष्टि गरेको छ ।
