बर्दिया : बर्दियामा ब्राउनसुगर सहित बाँकेका २ जना पक्राउ परेका छन् ।
पक्राउ पर्नेहरूमा बाँकेको खजुरा गाउँपालिका–८ बस्ने २४ वर्षीय अमिर खान र बाँके डुडुवा गाउँपालिका–६ बस्ने ३७ वर्षीय राजु सिंह रहेका छन् ।
प्रहरीका अनुसार, बढैयाताल गाउँपालिका–२ फुटाहाबाट अवैध लागूऔषध ब्राउनसुगर जस्तो देखिने पदार्थ करिब २ ग्राम ३ सय ४० मिलिग्रामसहित २ जनालाई प्रहरीले पक्राउ गरेको हो ।
प्रहरी चौकी जमुनीबाट खटिएको प्रहरीले भे.७ प ८४३५ नम्बरको स्कुटरमा सवार उनीहरूलाई उक्त पदार्थसहित फेला पारी पक्राउ गरी थप अनुसन्धान भइरहेको प्रहरीले जनाएको छ ।
