रुकुम पश्चिम : रुकुम पश्चिममा जंगलमा लुकाइ राखेको अवस्थामा तीन थान भरुवा बन्दुक बरामद भएको छ । मुसिकोट नगरपालिका–८ मा रहेको घोरखानी जङ्गलको ओडारमा लुकाएर राखेको तीन थान भरुवा बन्दुक बरामद गरिएको जिल्ला प्रहरी कार्यालय रुकुमपश्चिमले जनाएको छ ।
जिल्ला प्रहरी कार्यालय रुकुम पश्चिमका सूचना अधिकारी प्रहरी निरीक्षक विष्णुकुमार श्रेष्ठका अनुसार एक नाल र दुई वटा खाली भरुवा बन्दुक भेटिएको हो । भरुवा बन्दुक सिकार खेल्नको लागि ओडारमा राखेको हुन सक्ने आशङ्का गरिएको छ ।
यसअघि गएको फागुन १४ गते पनि जङ्गलमा चार नाल भरुवा बन्दुक भेटिएको थियो ।
