नेपालगञ्ज : दाङको तुलसीपुर कारागारमा कार्यरत सशस्त्र प्रहरीका एक जना सहायक हवल्दारले आफैंले आफैंलाई गोली हानेका छन् ।
स्थाई घर तुलसीपुर वडा नं ८ टिकरी भएका सशस्त्र प्रहरी सहायक हवल्दार ३५ बर्षीय वसन्त केसीले आइतवार राती पौने ९ बजेतिर आफैंले आफैंलाई गोली हानेका थिए । गोली लागेर उनको घटनास्थलमै मृत्यु भएको ईलाका प्रहरी कार्यालय तुलसीपुरले जनाएको छ ।
४८ नम्बर रिजर्व गुल्म कपिलबस्तुमा कार्यरत केसी केसी कारागार सुरक्षा गुल्म तुलसीपुरमा ५ दिनअघि मात्र कपिलबस्तुबाट आएका थिए । तुलसीपुरमा आएको केही दिनमै आफैंले आफैंलाई किन गोली हाने भन्ने बारे अनुसन्धान सुरु गरिएको ईलाका प्रहरी तुलसीपुरले जनाएको छ ।
सहायक हवल्दार केसी शबलाई पोष्टमार्टमको लागि तुलसीपुरस्थित राप्ती प्रादेशिक अस्पतालमा लगिएको प्रहरीले जानकारी दिएको छ ।
