नेपालगञ्ज : बाँकेको नेपालगञ्जमा सञ्चालित महोत्सवमा कुस्ती प्रतियोगिता हुने भएको छ ।
चौथो प्रादेशिक औद्यौगिक लघु, घरेलु तथा कृषि, प्रविधि, व्यापार एवं पर्यटन महोत्सवलाई आर्कषक बनाउन माघ १४ गतेदेखि १८ गतेसम्म कुस्ती प्रतियोगिता हुने प्रचारप्रसार समितिका संयोजक भागवत प्रसाद कंडेलले जानकारी दिए ।
महोत्सबमा मुख्य आर्कषकमा यस क्षेत्र मै पहिलो पटक कुस्ती प्रतियोगिता हुनलागेको हो । जसमा नेपालकै उत्कृष्ट इन्टरनेशनल खेलाडी दावा थापा लगायतका खेलाडीको सहभागिता रहने संयोजक कंडेल बताए ।
