नेपालगञ्ज : जनप्रतिनिधिको निधन भएको शोकमा मंगलवार नेपालगञ्ज उपमहानगरपालिका कार्यालय बन्द गरिएको छ । नेपालगन्ज उपमहानगरपालिका वडा नम्बर ६ का वडा सदस्य मदनबहादुर क्षेत्रीको सोमबार निधन भएको थियो ।
क्षेत्रीको निधन भएको शोक स्वरुप उपमहानगरपालिका कार्यालय र २३ वटै वडा कार्यालय एक दिनका लागि बन्द गरिएको नगर प्रमुख (मेयर) प्रशान्त विष्टले बताए । वडा सदस्य क्षेत्रीको केही दिनदेखि स्वास्थ्य अवस्था बिग्रिएको थियो ।
![](https://sadarline.com/wp-content/uploads/2023/06/355735841_163168713323414_6806641009584846467_n.jpg)
![](https://sadarline.com/wp-content/uploads/2023/10/Ntc-add-1-.jpg)
मुटु सम्बन्धी समस्या भएका क्षेत्रीको उपचारका क्रममा भारतको लखनउमा सोमबार बिहान ५ बजेतिर निधन भएको हो ।