दाङ : नेकपा एमालेका महासचिव शंकर पोखरेलले चुनावपछि एमाले बलियो राजनीतिक शक्तिका रुपमा स्थापित हुने बताएका छन् । आइतबार तुलसीपुर १९ विजौरी स्थित जनता क्याम्पस मतदान केन्द्रमा मतदान गरेपछि उनले सो कुरा बताएका हुन् ।
देशमा बलियो राष्ट्रिय शक्ति आवश्यक रहेको भन्दै उनले त्यो बलियो शक्ति हुने सामथ्र्य एमालेसँग मात्र रहेको बताए । ‘हामी राष्ट्रिय शक्ति निर्माणको अभियानमा छौँ । नेपालको राजनीतिक दलहरुमा नेकपा एमाले त्यो सामथ्र्य राख्छ । जसले बलियो राष्ट्रिय शक्तिका रुपमा आफूलाई स्थापित गर्न चाहन्छ । मुलुकमा बहुमत सहितको राजनीतिक स्थायित्व आवश्यक छ । यो चुनावले त्यो दिशातर्फ मुलुकलाई डो¥याउनेछ ।’ पोखरेलले भने ।
