नेपालगञ्ज : बाँके क्षेत्र नं. ३ मा नेकपा एमालेका तर्फबाट प्रतिनिधिसभा सदस्य पदका उम्मेद्वार किस्मतकुमार कक्षपतिलाई डलईपुरका बाबाले आशिर्वाद दिएका छन् । सोमवार चुनावी प्रचारप्रसार अभियान कै क्रममा प्रतिनिधि सभाका उम्मेद्वार किस्मतलाई ब्रम्हचारी बाबा मजाकी दाशले आशिर्बाद दिएका हुन् ।
खजुरा गाउँपालिकाको वडा नं. ५ स्थित बसन्तपुर, डलईपुर र उढरापुरमा गरिएको घरदैलो कार्यक्रमका विच किस्मतलाई बाबाले आशिर्वाद दिई जितको शुभकामना दिएका थिए ।
घरदैलो कार्यक्रममा स्थानियले प्रतिनिधि सभाका उम्मेदवार कक्षपतिलाई जिताउनु नै विकासको बाटो खुल्नु भएको धारणा राखेका थिए । कक्षपति आफैमा विकास प्रेमी भएको कारण जित भैसकेको छ अव मंसिर ४ मा माला लगाएर विजयी जुलुस मात्र निकाल्न बाँकी रहेको स्थानिय छेतनलाल साहुले बताए ।
खजुरा, बैजनाथ र जानकीलाई समृद्ध बनाउन नेकपा एमालेले मात्र गर्न सक्ने स्थानियले बताएका छन् ।
जनताको घरदैलो कार्यक्रममा प्रतिनिधि सभाका उम्मेदवार कक्षपतिले सुखी नेपाली समृद्ध नेपाल बनाउने अभिप्रायका साथ बाँके क्षेत्र नं. ३ लाई विकासोन्मुख बनाउन मेरो उम्मेदवारी रहेको बताए । आफु जन्मे हुर्केको ठाउँमा विकास गर्न कुनै कसर बाँकी नराख्ने उनले धारणा राखे ।
बाँके क्षेत्र नं. ३ को लागि कृषि, शिक्षा, सडक, स्वास्थ्यमा कायापलट गर्ने गरि विकासको काम गरेर देखाउने उनले स्थानीयसंग प्रतिवद्धता जनाए ।
