नेपालगञ्ज : आगामी मंसिर ४ गते हुने आम निर्वाचनको लागि बिभिन्न राजनीतिक दलद्वारा उम्मेदवार सिफारिस गर्ने कार्य बाँकेमा जारी छ । पछिल्लो समय माओवादी केन्द्रले बाँके निर्वाचन क्षेत्र नं. १ मा ७ जना उम्मेदवारको नाम सिफारिस गरेको छ ।
पार्टी निकट स्रोतले दिएको जानकारी अनुसार सत्ता गठबन्धनबाट बाँके निर्वाचन क्षेत्र न. १ संघमा माओवादी केन्द्रको भागमा पर्ने निश्चित भएपछि सो क्षेत्रमा आकांक्षि धेरै निस्किएको भएपनि प्रत्यक्षमा ७ जनाको नाम सिफरिस भएको हो ।
![](https://sadarline.com/wp-content/uploads/2023/06/355735841_163168713323414_6806641009584846467_n.jpg)
![](https://sadarline.com/wp-content/uploads/2023/10/Ntc-add-1-.jpg)
यसरी नाम सिफारिस हुनेहरुमा लुम्बिनी प्रदेश सभा सदस्य कृष्णा केसी नमुना, प्रकाश सुवेदी चन्द्रकान्ता, अशोक रोकाय संकल्प, खेलकुद मन्त्री समेत रहेका महेश्वर जग गहतराज अथक, आशोक केसी प्रयत्न, नरबहादुर खत्री भनिने नरेश पौडेल र नरेन्द्र न्यौपाने रहेको पार्टी निकट स्रोतले जनायो ।
उसो त खेलकुद मन्त्री अथकको एकल नाम पार्टीले सिफारिस गरेको भनिय पनि त्यसो नभई एक महिला सहित ६ जना पुरुषको नाम सिफारिस भएको पार्टीको उच्च स्रोतले बतायो । संघमा सिफारिसमा परेका मध्य नमुना प्रदेश सभामा सो क्षेत्रबाट प्रतिनिधित्व गरेकी र मतदातासमक्ष उनी बलियो पकड जमाउने महिला नेतृ हुन । उनी कुरामा भन्दा काममा विश्वास गर्ने नेतृ हुन ।