दाङ : दाङमा कुलोले बगाउँदा एक महिलाको मुत्यु भएको छ । मुत्यु हुनेमा दाङ तुलसीपुर उपमहानगरपालिका–६ की ४७ वर्षीया सीता बस्नेत भण्डारी रहेकी छन् ।
इलाका प्रहरी कार्यालय तुलसीपुरका डिएसपी पुष्पराज मल्लका अनुसार उनी ऋषी पञ्चमीको पुजा सकेर फर्कदै गर्दा घर नजिकै रहेको गौरीगाउँको कुलोमा चिप्लीएर लडेकी थिइन् । झरीका कारण कुलोमा पानी धेरे भएकाले कुलोले उनलाई बगाएर एक किलोमिटर पुर्याएको थियो ।
लगतै प्रहरी र स्थानीयले घटनास्थलमा पुगेर उनको उद्धार गरेर राप्ती प्रादेशिक अस्पताल पुर्याएका थिए । अस्पताल लगे लगतै चिकित्सकले उनलाई मृत घोषणा गरेको डिएसपी मल्लले बताए ।
