नेपालगञ्ज : नेपालगञ्ज उपमहानगरपालिका भित्रका शहरी क्षेत्रको घनाबस्ती रहेका वडाका सबै घरहरुको भौतिक संकटासन्नता सर्वेक्षण हुने भएको छ । उपमहानगरका बडा नं.३ र ७ का सवै घरहरुको भौतिक संकटासन्नता सर्वेक्षण हुने भएको हो ।
उपमहानगरपालिको समन्वय तथा नेपाल रेडक्रस सोसाइटी बाँके शाखा र युनिसेफको साझेदारीमा दुबै बडाका १ हजार १ सय घरलाई विपदका दृष्टिकोणबाट जोखीमयुक्त संरचना रहे नरहेको बारेमा सर्वक्षण हुने छ । शुक्रवार भएको समन्वय बैठककमा सर्वेबारेमा जानकारी गराइएको थियो ।
नगर प्रमुख प्रशान्त विष्ट, उपप्रमुख कमरुद्धिन राई निमित्त प्रमुख प्रशासकिय अधिकृत गोरखबहादुर थापा, रेडक्रस बाँके शाखाका सभापति गोवर्धन सिह सझना समेतको उपस्थितिमा भएको समन्वय बैठकमा २३ बटै बडाका प्राविधिकहरुको उपस्थिति रहेको थियो ।
शहरी विपद् तथा भुकम्पीय पूर्वतयारी परियोजना अन्र्तगत जोखीमयुक्त घरहरुको पहिचान गरी नगरभित्र विपद पूर्वतयारी गरी संरचना निमार्ण गर्न पहल गर्ने उदेश्यकासाथ फिल्डमा प्रविधिक परिचालन गरिएको विपद् फोकल पर्सन प्रकाश डिसीले बताए ।
रेडक्रस बाँकेका सभापति सझनाले उपमहानगरपालिकासंगको सहकार्यमा सुपर परियोजनाले शहरी विपद् जोखीम न्यूनिकरणमा उल्लेख्य भुमिका निभाउने विश्वास व्यक्त गरे । बातावरण तथा विपद् व्यवस्थापन समितिका संयोजक समिर प्रताप सिहले घरहरुको जोखीम पहिचान भैसकेपछि विमा कार्यक्रमलाई नगरमा लागु गर्ने प्रतिवद्धता व्यक्त गरे । कार्यक्रममा युनिसेफ नेपालका नरेश निदालले सर्वेक्षणको महत्व वारेमा जानकारी गराएका थिए ।
