नेपालगञ्ज : बाँकेको नेपालगञ्ज रंगशाला अहिले घाँसे मैदानमा परिणत भएको छ । लामो समयसम्म खेल सञ्चालन नभएका कारण रंगशालामा रहेको फुटबल मैदान घाँसे मैदानमा परिणत भएको हो ।
रंगशालामा रहेको फुटबल मैदान बाहेक मैदानको उत्तर, पूर्व र पश्चिम क्षेत्रमा पनि घाँसले प्याराफिटलाई ओगटेको देख्न सकिन्छ । हाल मैदानमा ४ फिट उचाईसम्मको घाँस पलाएको छ ।
कुनै पनि स्थानमा रंगशाला तथा खेल मैदान निर्माण गर्नु भनेको खेलाडी उत्पादन तथा भएका खेलाडीलाई प्रवद्र्धन गर्नु हो । तर नेपालगञ्जको रंगशालामा भने खेलाडीलाई नै प्रतिवन्ध लगाइएको छ ।
जिल्ला खेलकुद विकास समिति बाँकेका अध्यक्ष सन्दीप जंगशाह खेलाडीका लागि बनाएको रंगशालामा खेलाडीलाई नै रोक लगाएको बताउँछन् ।
जिल्ला खेलकुद विकास समिति बाँकेले खेलाडीलाई प्रतिवन्धित गरेकोप्रति आपत्ति जनाएको छ ।
