दाङ : दाङ प्रहरीले चोरी भएको मोटरसाइकल खोजीमा विशेष अप्रेशन थालेको छ । मोटरसाइकल चोरीको घटना धेरै हुने थालेपछि प्रहरीले विशेष अप्रेशन थालेको हो । जुन अप्रेसनले सफलता पाएको जिल्ला प्रहरी कार्यालय दाङका प्रमुख सुरेशप्रसाद काफ्लेले बताए ।
विशेष अप्रेसनले चोरी भएका ६ वटा मोटरसाइकलसहित ३ जनालाई पक्राउ पनि गरेको छ । दाङ प्रहरीले शुक्रबार पत्रकार सम्मेलन गरेर चोरीमा संलग्न व्यक्ति र बरामद भएको मोटरसाइकल सार्वजनिक गरेको छ ।
![](https://sadarline.com/wp-content/uploads/2023/06/355735841_163168713323414_6806641009584846467_n.jpg)
![](https://sadarline.com/wp-content/uploads/2023/10/Ntc-add-1-.jpg)
मोटरसाइकल चोरीमा संलग्न रहेको आरोपमा रोल्पा रुन्टिगढी गाउँपालिका–९ घर भइ हाल घोराही उपमहानगरपालिका–१४ निवासी ३० बर्षीय भानुभक्त बाठा, तुलसीपुर उपमहानगरपालिका–१९ घर भइ हाल घोराही–११ निवासी २१ बर्षीय मदन पुन र तुलसीपुर उपमहानगरपालिका–१८ निवासी १८ बर्षीय बादल नेपाली पक्राउ परेका छन् ।
पक्राउ परेका व्यक्तिहरुले जिल्लाका विभिन्न स्थानबाट मोटरसाइकल चोरी गरेको स्वीकारेको प्रहरीले बताएको छ ।