नेपालगञ्ज : बाँकेस्थित कांग्रेस नेता एवम् नेतृहरुले प्रधानमन्त्री एवम् पार्टी सभापति शेरबहादुर देउवासँग भेटघाट गरेका छन् । प्रधानमन्त्री निवास बालुवाटारमा पुगेर उनीहरुले केन्द्रिय सभापति समेत रहेका देउवालाई भेटघाट गरेका हुन् ।
सो क्रममा जिल्लास्थित पार्टीको गतिविधी, निर्वाचन लगायत विषयमा छलफल भएको थियो । भेटघाटका क्रममा कांग्रेस बाँकेका सभापति नारायणप्रसाद गौडेल, निर्वतमान उपसभापति फुलाराम थारु, महासमिति सदस्य द्रोपदी ओली, जिल्ला कोषाध्यक्ष यज्ञबहादुर बस्नेत, प्रवक्ता डिल्ली गिरी, क्षेत्र नम्बर १ का सभापति पोषण केसी, नेपालगञ्ज उपमहानगरपालिकाका निवर्तमान उपप्रमुख उमा थापामगर लगायतको सहभागिता रहेको थियो ।
काठमाडौंमा रहेका सभापति गौडेल सहितको टोलीले केहीदिन यता कांग्रेस नेता लगायत विभिन्न ब्यक्तिलाई भेट गरिरहेको छ ।
