नेपालगञ्ज : प्युठानमा तीर्थयात्रु बाकेको जीप दुर्घटनामा परेको छ । भारतबाट स्वर्गद्वारी मन्दिर जाँदै गरेको जीप दुर्घटनामा परेको जिल्ला प्रहरी कार्यालय प्युठानका प्रहरी प्रवक्ता प्रहरी निरीक्षक लालबहादुर विकले बताए ।
उनका अनुसार जीप दुर्घटनामा एकको मृत्यु भएको छ । तर मृतकको परिचय खुलेको छैन भने कति जना घाइते भए भन्ने पनि खुलेको छैन । जीप स्वर्गद्वारी नगरपालिका ४ मा दुर्घटनामा परेको जनाइएको छ ।
अहिले जिल्ला प्रहरी कार्यालय प्युठानका प्रवक्ता विकसहितको टोली घटना स्थलमा पुगेको छ । घटनाका बारेमा थप जानकारी आउन बाँकी रहेको छ ।
