नेपालगञ्ज : बाँके प्रहरीले चोरी मुद्दामा फरार प्रतिवादीलाई पक्राउ गरेको छ ।
पक्राउ पर्नेमा, नेपालगञ्ज उपमहानगरपालिका वडा नं.२३ बस्ने २२ वर्षीय छोटे भन्ने भगवान कुसबन्दिया रहेका छन् । उनलाई प्रहरीले मंगलबार पक्राउ गरेको हो ।
बाँके जिल्ला अदालतले कुसबन्दिया माथि चोरी मुद्दामा ३ महिना १० दिन कैद र १० हजार जरिवाना तोकेको थियो । त्यसपछि उनी फरार भएको प्रहरीले जनाएको छ ।
उनलाई मंगलबार जिल्ला अदालतमा बुझाइएको जिल्ला प्रहरी कार्यालय बाँकेले जनाएको छ ।
