नेपालगञ्ज : भारतको बाबागन्जबाट प्रतिबन्धित लागुऔषध ब्राउन सुगरसहित एकजना पक्राउ परेका छन् । पक्राउ पर्नेमा मो. इस्लाम रहेको रुपईडिहा थाना प्रभारी निरीक्षक श्रीधर पाठकले बताए ।
इस्लामको साथबाट १ सय ४८ ग्राम ब्राउन सुगर, एक थान मोवाइल एउटा मोटरसाइकल र नगद ७ हजार बरामद भएको छ ।
उक्त लागुऔषधको मूल्य करिव ७० लाख रहेको प्रहरीले बताएको छ । थप अनुसन्धानका लागि उनलाई बहराइच चलान गरिएको प्रहरीले जनाएको छ ।
राती गस्तिमा हिँडेको भारतीय एसएसबी र रुपईडिहा थानाबाट खटिएको टोलीले उनलाई पक्राउ गरेको हो । उनले भारतबाट नेपालमा लागुऔषधको कारोवार गर्ने गरेको प्रारम्भिक अनुसन्धानबाट खुलेको प्रहरीले जनाएको छ ।
