बर्दिया : बर्दियामा मोबाइल चोरी गरेको अभियोगमा दुई जना पक्राउ परेका छन् । पक्राउ पर्नेमा, जिल्ला बर्दिया गेरुवा गाउँपालिका–०४ खोनपुर बस्ने सागर कटुवाल र जिल्ला काभ्रेपलाञ्चोक स्थायी वतन भई हाल जिल्ला बर्दिया गेरुवा गाउँपालिका–०४ खोनपुर बस्ने पारस तामाङ रहेका छन् ।
जिल्ला बर्दिया गेरुवा गाउँपालिका–०५ सुखाड बस्ने मनिराम थारुले पक्राउ परेका सागर कटुवाल र पारस तामाङले गत शनिबार घर कोठाबाट मोबाईलहरु चोरी गरेको भनी इलाका प्रहरी कार्यालय पाताभारमा उजुरी दिए पश्चात उनीहरुलाई पक्राउ गरिएको प्रहरीले जानकारी दिएको छ ।
प्रहरीका अनुसार, गत आइतबार सागर कटुवालको घरमै बसिरहेको अवस्थामा उनीहरुलाई पक्राउ गरी खानतलासी गर्ने क्रममा प्लाष्टिकमा राखेर जमिन मुनि पुरेको अबस्थामा चोरी भएका ४ थान मोबाईल सेटहरु बरामद गरी प्रहरीले पक्राउ गरेको हो ।
उनीहरुमाथि चोरी सम्बन्धी कसुरमा आवश्यक अनुसन्धान भईरहेको प्रहरीले जनाएको छ ।
