नेपालगञ्ज : शिकार खेल्न गएका आफ्नै साथीले बोकेको बन्दुक पड्किदा एक जनाको गोली लागेर मृत्यु भएको छ ।
दाङको बंगलाचुली गाउँपालिका र लमही नगरपालिकाको सिमानामा पर्ने जंगलमा आफ्नै साथीले बोकेको बन्दुक पड्किदा एक जनाको मृत्यु भएको जिल्ला प्रहरी कार्यालय दाङले जनाएको छ ।
गोली लागेर मृत्यु हुनेमा लमही नगरपालिका १ का भागबहादुर पुन रहेका छन् । मृतक पुन शुक्रबार दिउँसो अन्य ४ जना साथीहरुसँग सिकार खेल्न गएका थिए । सिकार खेल्ने क्रममा साथीले बोकेको बन्दुक पड्किदा घाटीमा गोली लागेर पुनको मृत्यु भएको दाङ प्रहरीले बताएको छ ।
मृतक पुनसँग सिकार खेल्न गएका ४ जनालाई प्रहरीले नियन्त्रणमा लिएर अनुसन्धान शुरु गरिएको जिल्ला प्रहरी दाङले जानकारी दिएको छ ।
