नेपालगञ्ज : कालिकोटमा श्रीमान श्रीमतीबीच सामान्य विवाद हुँदा श्रीमती बेपत्ता भएकी छन् । सोमबार राती साढे १० बजेको समयमा विवाद हुँदा श्रीमती बेपत्ता भएकी हुन् ।
प्रहरी चौकी नाग्मागार्ड कालिकोटका अनुसार तिलागुफा नगरपालिका–१ नाग्माका भुपेन्द्र शाही र उनको श्रीमतीबीच सामान्य विवाद भएको हो ।
उक्त विवाद पछि शाहीकी ३० वर्षीया श्रीमती राधिका शाही घरबाट निस्केर रातिदेखिनै बेपत्ता भएकी प्रहरीले जनाएको छ ।
प्रहरीका अनुसार स्थानीयले खोजी गर्दै जाँदा राधिकाको ज्याकेट मात्रै तिला नदीको किनारमा फेला परेको छ भने हाल घटना स्थलमा प्रहरी पुगेर राधिकाको खोजीकार्य जारी राखेको छ ।
