जानकी : जानकी गाउँपालिकामा नेपाली कांग्रेसका उम्मेदवारको घरदैलो कार्यक्रम सक्रियतापूर्वक भई रहेको छ । जानकी गाउँपालिकामा नेपाली कांग्रेसका तर्फका अध्यक्ष पदका उम्मेदवार छब्बन खाँ र उपाध्यक्ष पदकी उम्मेदवार रामप्यारी यादवले जनताका समस्यालाई सम्बोधन गर्दै सक्रियतापूर्वक घरदैलो कार्यक्रम गरिरहेका छन् ।
बिहीबार कांग्रेस उम्मेदवारले वडा नम्बर २ मा व्यापक प्रचार प्रसार गरेको छन् । दिनभर कांग्रेस उम्मेदवारहरुले वडा नम्बर २ मा चुनावी प्रचार गरेका हुन् । बाजाँसहित वडावासीको घरदैलोमा पुगेका उम्मेदवारको समर्थनमा वडावासीको व्यापक सहभागिता रहेको छ ।
वडा नम्बर २ को चुनावी प्रचार प्रसारमा कांग्रेस उम्मेदवारले योपटक जनताको सेवा गर्न कांग्रेसलाई भोट दिन अपिल गरेका छन् । अध्यक्ष पदका खाँले वडामा सबै किसिमको विकास गर्न कांग्रेस नेतृत्वको सरकार सक्षम हुने बताए ।
त्यस्तै आज (शुक्रबार) पनि खाँ र यादवलगायतका उम्मेदवारले पालिकाको वडा नम्बर ६ मा व्यापक प्रचारप्रसार गर्दैछन् । वडा २ को कोठारपुर, भाटनपुरलगायतका स्थानमा स्थानीयको सहभागितामा घरदैलो तथा जनतासँगको भेटघाट गर्ने खाँले बताए ।
उत्लासहयरुपमा चुनावी प्रचार भएको उपाध्यक्ष पदकी उम्मेदवार यादव बताउँछिन् । प्रचारप्रसारका क्रममा जनताले आशिर्वाद दिँदै कांग्रेसलाई योपटक समर्थन गर्ने गरेको उनले बताइन् ।
