काठमाडौँ : पत्रकार सनत सापकोटाले आफ्नो पहिलो कृति ‘जरा’ सार्वजनिक गरेका छन् । ‘जरा’ सापकोटाद्वारा लिखित संस्मरणात्मक कथाहरूको संग्रह हो । बाल्यकालीन स्मृति कथाहरूलाई समेटेर सापकोटाले पुस्तक निकालेका हुन् ।
विधागत रूपमा सापकोटाले यस संग्रहलाई ‘कथास्मरण’को संज्ञा दिएका छन् । विशेषगरी संस्मरणात्मक आलेखहरूलाई निबन्ध विधाअन्तर्गत राखिने प्रचलन भए पनि उनले आफ्ना रचनालाई कथास्मरण भनेका छन् ।’१७ थान छुट्टाछुट्टै रचनालाई संग्रहको रूप दिइएको यो कृति सरल भाषा र कथात्मक शैलीमा लेखिएको छ ।
हाम्रो पूर्णिमा साहित्य प्रतिष्ठान कोहलपुरले कृति प्रकाशन गरेको छ । प्रायः सबैको बाल्यकालसँग मेल खाने उनका ‘कथास्मरण’ले पाठकलाई पनि आ–आफ्ना बाल्यकालीन स्मृतिहरूसम्म पु¥याउँछन् ।
