जानकी (बाँके) : जानकी गाउँपालिका वडा नं। २ बेलभारका माओवादी नेताद्वय एमालेमा प्रबेश गरेका छन् । जानकी गाउँपालिका वडा नं २ को बेलभारमा आयोजित एमालेको घरदैलो कार्यक्रममा जानकी गाउँपालिका वडा नं २ वाट २०७४ सालमा भएको निर्वाचनमा निर्वाचित वडा सदस्यद्वय जयराम काँदु र दिलबाहारी कादु एमालेमा प्रबेश गरेका हुन् ।
जानकी २ मा १५ बर्षदेखि निरन्तर माओवादीमा सक्रिय युवा नेता जयरामको पकड राम्रो रहेका छ । यस अघि जानकीमा वडा सदस्य समेत रहेका रजनी शर्मा पनि एमालेमा प्रबेश गरेकी छन् । जानकी २ को बेलवामा बुधवार सयौ एमाले कार्यकर्ताको उपस्थितिमा घरदैलो कार्यक्रम गरिएको छ ।
