कोहलपुर (बाँके) : बाँकेको कोहलपुर नगरपालिकामा काँग्रेसका उम्मेदवारका बिरुद्ध बागी उम्मेदवारी दिएका बलराम शर्माले आफ्नो उम्मेदवारी फिर्ता लिएका छन् ।
पार्टीले युवाका नाममा आफुजस्ता पुराना कार्यकर्ताको भावनाको सम्बोधन नगरेको भन्दै उनले पार्टीकै उम्मेदवारको बिरुद्ध नगर प्रमुखमा स्वतन्त्र उम्मेदवारी दिएका थिए ।
शर्माले सामाजिक सञ्जालमार्फत आफ्नो उम्मेदवारी फिर्ता लिएको बताएका छन् । उनले आफ्नो फेशबुक वालमा लेखेका छन ‘ कोहलपुर नगरपालिकाको प्रमुख पदमा दिएको मेरो उम्मेदवारी फिर्ता लिएको छु । नेपाली काँग्रेसका उम्मदवारलाई जिताउन अनुरोध गर्दाछु ।’
उनी पार्टीको लामो समय कोहलपुर नगर समिति सभापति र हाल निर्वाचन क्षेत्र १ क का सभापति हु्न । कोहलपुर नगरपालिकाका निर्वाचन अधिकृत तिर्थराज भट्टका अनुसार शुक्रबार दिउसो साढे १ बजेसम्म कोहलपुरमा १ जना प्रमुख १ वडा अध्यक्ष र २ वडा सदस्यले उम्मेदवारी फिर्ता लिएका छन । उनीहरु सबै स्वतन्त्र उम्मेदवार बनेका थिए ।
