नेपालगञ्ज : रूकुम पश्चिमको आठबीसकोट नगरपालिकाको गोतामकोटमा रहेको नेपाल टेलिकमको टावरमा खराबी आउँदा जाजरकोटको पूर्वी क्षेत्र, आठबीसकोटको माथिल्लो भाग र डोल्पाको तल्लो भागका नागरिक सञ्चार सेवाबाट बञ्चित भएका छन् ।
सेवा अवरुद्ध हुँदा यस क्षेत्रका हजारौं सेवाग्राही मर्कामा परेका छन् । डोल्पाको मुड्केचुला गाउँपालिकाका अध्यक्ष दत्तबहादुर शाहीले दुई दिनदेखि सेवा अवरुद्ध भएको जानकारी दिए । नेपाल टेलिकम क्षेत्रीय कार्यालय नेपालगञ्जले प्राविधिकसहितको टोली मंगलवार पठाउने बताएको छ ।
जाजरकोटको पूर्वमा टावर भएपनि राम्रोसँग काम नगर्ने, आवाज नबुझिने र बोल्दाबोल्दै आवाज काटिने समस्या रहेको जाजरकोटको नलगाड नगरपालिकाका नगरप्रमुख टेकबहादुर रावलले बताए ।
