नेपालगञ्ज : नेपाली कांग्रेस बाँकेको कोषाध्यक्षमा यज्ञ बहादुर बस्नेत मनोनित भएका छन् । जिल्ला सदस्य बस्नेतलाई जिल्ला कार्यसमितिको आज बसेको बैठकले कोषाध्यक्षमा मनोनित गरेको हो ।
बस्नेत १४औं महाधिवेशन अन्तर्गत् सम्पन्न जिल्ला अधिवेशनबाट कार्यसमिति सदस्यमा निर्वाचित भएका थिए । उनी सभापति नारायण प्रसाद गौडेल प्यानलबाट निर्वाचित भएका हुन् ।
कांग्रेस विधान अनुसार जिल्ला सभापतिको प्रस्तावमा कार्यसमिति बैठकबाट निर्वाचित जिल्ला सदस्यमध्ये एक जनालाई कोषाध्यक्ष मनोनित गर्ने व्यवस्था छ ।
