नेपालगञ्ज : बढैयातालमा लागुऔषध सहित एक जना पक्राउ परेका छन् । पक्राउ पर्नेमा, बढैयाताल गाउँपालिका वडा नं.२ सितापुर बस्ने २५ वर्षिय सुनिल रानामगर रहेका छन् ।
प्रहरीले मगरलाई बढैयाताल २ जमुनी गाउँ नजिक बाट करिब ९ सय १० मिलिग्राम अवैध लागुऔषध ब्राउनसुगर जस्तो देखिने पदार्थसहित बिहीबार साँझ पक्राउ गरेको हो ।
प्रहरी चौकी जामुनीबाट खटिएको प्रहरीले जाँच गर्ने क्रममा उक्त पदार्थ सहित फेला पारी उनलाई पक्राउ गरेको हो ।
यस सम्बन्धमा थप अनुसन्धान गरिरहेको प्रहरीले जनाएको छ ।
