नेपालगञ्ज : पालिकामा जनप्रतिनिधि बहाली भएर आएदेखि स्थानीय सरकारले गर्ने विकासको मोडलको रुपमा आफुलाई नेपालगञ्ज उपमहानगर वडा नं. १८ ले उदाहरणको रुपमा प्रस्तुत गरेको छ ।
नेपालगञ्ज उप–महानगरपालिका वडा नम्बर १८ मा धमाधम विकासे कामले तीब्रता पाएको छ । पछिल्लो समय कारकादौंमा थप एउटा सडक निर्माणका लागि शिलान्यास भएको छ । ट्राभल भिलेजरोड गणेश मिश्राको घरबाट पुर्ब लगदहवा बाईपासरोड जोड्ने नालीसहितको ८ मिटरको कालोपत्रे सडक बिधिबतरुपमा शिलन्यास गरिएको छ ।
वडा अध्यक्ष दीपक बर्माले भाट्भटेनीदेखि पश्चिममा रहेको श्रीनगर टोलमा वडाको बजेट ३१ लाख ५ हजारको लागतमा २ सय १३ मीटर कालोपत्रे सडक निर्माणका लागि टोलबासीको बृहत उपस्थितिमा शिलान्यास गरेका हुन ।
सो अवसरमा सो टोलमा थप सडकका लागि पनि पहल भइ रहेको वडा अध्यक्ष बर्माले बताए । वडा नं १८ कारकादौमा लगातार सडक निर्माणले प्राथमिकता पाएको छ ।
यही आर्थिक बर्षमा वडा अध्यक्ष बर्माको पहलमा ३ वटा सडक कालोपत्रे, ९ वटा पीसीसी सडक निर्माण सम्पन्न भइ सकेका छन भने २ वटा पीच र ३ वटा पीसीसी सडक निर्माण जारी छन । बाँकी सडक निर्माणको शुरूवात केही दिन मै शुरु हुने वडा अध्यक्ष बर्माले बताए ।
