नेपालगञ्ज : नेपाली कांग्रेस बाँकेको नयाँ नेतृत्वका लागि बिहीबार भएको निर्वाचनमा । पहिलो चरणमा नारायण प्रसाद गौडेलले अग्रात लिए पनि बिजयी हुन सकेनन । भोली फेरी सभापतिका लागि गौडेल र अर्का प्रत्यासी बादशाह कूर्मीबीच प्रतिश्पर्दामा रहने र मतदान हुने भएको हो ।
गौडेलले ५ सय ६९ मत प्राप्त गरेर प्रथम भए भने बादशाह कुर्मीले ५ सय ३८ मत प्राप्त गरेर द्वितिय स्थान हासिल गर्दा सुरेन्द्रबहादुर हमालले ३ सय १४ मत ल्याएर तेस्रो भए । खसेको मतमा २४ मत बदर भएको थियो । कुल १४ सय ९३ मत संख्या मध्ये १४४५ जना मतदाताले मतदान गरेको निर्वाचन परिचालन कमिटीले जानकारी दिएको छ । बिहीबार सभापति, दुई उपसभापति, दुई सचिव तथा दुई सहसचिव र कार्यसमिति सदस्य चुन्न अपराह्न ४ बजेसम्म मतदान भएको थियो ।
यस मतदानबाट कुनै पनि उम्मेदवारले कुल खसेको मतको ५०% भन्दा बढी मत प्राप्त गर्न नसकेको हुनाले दोस्रो चरणको मतदानमा पहिलो स्थानका गौडेल र दोस्रो स्थानका कुर्मीबिच सभापति पदमा २०८७ फागुन २० गते शुक्रबार बिहान १० बजेदेखि दिउँसो ३ बजेसम्म पुनः जिल्ला समन्वय समिति बाकेमा मतदान हुने जनाईएको छ ।
कांग्रेस विधान अनुसार सभापतिमा निर्वाचित हुनेले ५० प्रतिशत बढी मत ल्याउनुपर्ने हुन्छ भने अन्य पदमा बढी मत ल्याउने निर्वाचित हुनेछन् ।
