नेपालगञ्ज : बाँकेमा शनिवार थप ४ जनामा कोरोना संक्रमण पुष्टि भएको छ । जिल्लाका दुई वटा प्रयोगशालामा ६९ वटा नमुना जाँच्दा ४ जनामा भाइरस संक्रमण पुष्टि भएको हो ।
भेरी अस्पतालमा ३८ नमुना परीक्षण गर्दा २ जना र मेडिकल कलेज कोहलपुरमा ३१ नमुना परीक्षण गर्दा २ जनामा भाइरस संक्रमण पुष्टि भएको छ ।
शनिवार संक्रमण पुष्टि भएकामध्ये बाँकेका २ जना छन् । योसँगै बाँकेमा कुल संक्रमितको संख्या १८ हजार ४ सय ५४ पुगेको छ ।
यस्तै शनिवार १० जना डिस्चार्ज भएका छन् । योसँगै जिल्लामा डिस्चार्ज हुनेको संख्या १८ हजार ९१ पुगेको छ ।
