दाङ : दाङको बङ्गलाचुली गाउँपालिकामा बाटो बनाउँदै गर्दा डोजर पल्टिँदा चालकको मृत्यु भएको छ ।
बिहीवार बिहान करिब ४ बजेतिर डोजर पल्टिएको थियो । गाउँपालिकाका अध्यक्ष भक्तबहादुर ओलीका अनुसार रा१क ९१४ नम्बरको डोजर पल्टिँदा घोराही उपमहानगरपालिका–१० बुधौरा निवासी २२ वर्षीय सुनिलकुमार विकको मृत्यु भएको छ ।
सोही क्रममा सहचालक बर्दियाको गुलरिया नगरपालिका–१ निवासी २३ वर्षीय राजकुमार चौधरी सामान्य घाइते भएका छन् । बङ्गलाचुलीको मुकुटीदेखि भ्युटावर जोड्ने सडक सफाई गर्ने क्रममा डोजर पल्टिएको हो ।
