काठमाण्डौ : सर्वोच्च अदालतको मूल गेटमा धर्नामा बसेका कानुन व्यवसायी र प्रहरीबीच झडप भएको छ । झडपमा नेपाल बारका अध्यक्ष चण्डेश्वर श्रेष्ठ र केन्द्रीय सदस्य प्रकाश महर्जन घाइते भएका छन् । घाइते महर्जनलाई न्युरो अस्पताल लगिएको छ ।
प्रधानन्यायाधीशले वैकल्पिक गेट प्रयोग गरेर सर्वोच्च छिर्ने क्रममा उनलाई छेक्न गएका कानुन व्यवसायी र प्रहरीबीच झडप भएको हो ।
प्रधानन्यायाधीश जबरालाई सर्वोच्च प्रवेशमा रोक लगाउन कानुन व्यवसायीहरु धर्नामा बसेका छन् । झडपपछि कानुन व्यवसायीहरुले दंगा प्रहरी र चोलेन्द्र शमशेर मुर्दा बाद भन्दै नाराबाजी गरेका छन् ।
