बाँकेमा थारु संस्कृति झल्काउने सांस्कृतिक कार्यक्रम हुँदै

सदरलाइन संवाददाता १५ कार्तिक २०७८, सोमबार १३:४५
 

नेपालगञ्ज : बाँकेको कोहलपुर मैटहवामा दशैं, दीपावली, छठपर्ब र मोहम्मद डे मिलन कार्यक्रमको आयोजना गरिएको छ । पर्ब मिलन कार्यक्रमसंगै थारु संस्कृति झल्काउने सांस्कृतिक कार्यक्रमको पनि आयोजना गरिएको छ ।

थारु कल्याणकारिणी सभा बाँके र मैटहवा युवा क्लावको आयोजनामा आइतबार र सोमबार दुई दिन सांस्कृतिक कार्यक्रम हुने मैटहवा युवा क्लाबका अध्यक्ष श्याम कुमार थारुले बताए ।

कार्यक्रमका प्रमुख अतिथि राप्तिसोनारी गाउँपालिकाका अध्यक्ष लाहुराम थारुले अब थारु संस्कृति व्यवसायिकरण हुनु पर्ने बताए । लोप हँुदै गइरहेको कुनै पनि समुदायको संस्कृति संरक्षणका लागि आफुले गाउँपालिकाबाट सहयोग गर्दै आएको उनले बताए ।

उनले अन्य पालिकाले पनि पुराना लोप हुनै लागेका संस्कृति संरक्षणका लागि सहयोग गर्नुपर्ने धारण राखे ।

कार्यक्रममा बोल्दै थारु कल्याणकारिणी सभा बाँकेका अध्यक्ष बिनोद थारुले थारु समुदायको लोप हँुदै गएको थारु संस्कृति संरक्षण तथा प्रदर्शन प्रर्बद्घनका लागि कार्यक्रमको आयोजना गरिएको बताए ।

कार्यक्रममा लोप हँुदै गएको पुराना थारु नाचहरु पनि प्रर्दशन हुने आयोजकले जनाएको छ । कार्यक्रमको पहिलो दिन एक दर्जन थारु कलाकारहरुले आप्mनो प्रस्तुति देखाएका थिए ।

साथै थारु समुदायका स्थानीय नाच पनि कार्यक्रममा प्रस्तुत गरिएको थियो । सोमवाार पनि बिभिन्न कलाकारहरुको सांस्कृतिक प्रस्तुति रहने आयोजकले जनाएको छ ।

Leave a Reply

Your email address will not be published. Required fields are marked *

Next Post

११ बजेर २ मिनेटमा भाइटीकाको उत्तम साइत

१५ कार्तिक २०७८, सोमबार १३:४५
नेपालगञ्ज : नेपाल पञ्चाङ्ग निर्णायक समितिले यस वर्षको भाइटीकाको उत्तम साइत सार्वजनिक गरेको छ । यस वर्षको भाइटीकाको साइत ११ बजेर २ मिनेटमा रहेको समितिले जनाएको छ । यस वर्षको भाइटीका कात्तिक २० गते रहेको छ । तिहारको मुख्य दिन भाइटीकामा दाजुभाई दिदीबहिनीले एकअर्कालाई टीका लगाइदिएर मनाउने प्रचलन छ । […]