खजुरा (बाँके) : बाँके प्रहरीले खजुरा गाउँपालिका वडा नं.२ एगाउँ नजिक नर्सरीमा जुवा खेलिरहेका दुई जनालाई ६० हजार ५ सय नगद र १८ गड्डी ताससहित नियन्त्रणमा लिएको छ ।
जुवा खेली रहेको भन्ने विशेष सूचनाको आधारमा ईलाका प्रहारी कार्यालय धनौलीबाट खटिएको प्रहरी टोलीले जिल्ला बाँके जानकी गाउँपालिका वडा नं. ३ बस्ने बर्ष २८ को असोक बर्मा र भारतको बहराईज जिल्ला रुपैडिहा बस्ने बर्ष ४० को राधे बर्माको साथबाट रु.६० हजार ५ सय नगद रकम र १८ गड्डी तास सहित फेला पारी नियन्त्रणमा लिएर अनुसन्धान भईरहेको प्रहरी जनाएको छ ।
प्रहरीले दिएको जानकारी अनुसार आइतबार राती ९ बजेको समयमा सो तास खेल्ने स्थानमा उनीहरु दुई जनामात्र रहेको वा अन्य प्रहरी आएपछि भागेको उल्लेख गरेको छैन । १८ गड्डी तास खेल्नेहरु दुई जना मात्र रहनु अर्थपूर्ण मानिएको छ ।
