नेपालगञ्ज : बाँकेमा सोमवार थप १२ जनामा कोरोना भाइरस संक्रमण पुष्टि भएको छ । ११५ नमुना परीक्षण गर्दा थप १२ जनामा भाइरस संक्रमण पुष्टि भएको हो ।
भेरी अस्पताल नेपालगञ्जमा ४७ नमुना परीक्षण गर्दा ८, मेडिकल कलेज कोहलपुरमा २७ नमुना परीक्षण गर्दा ४ जनामा संक्रमण पुष्टि भएको छ । बागेश्वरी ल्याबमा ४१ नमुना परीक्षण गर्दा सबै रिपोर्ट नेगेटिभ आएको छ ।
सोमवार संक्रमण पुष्टि भएकामध्ये बाँकेका ७ जना छन् । योसंगै बाँकेमा कुल संक्रमितको संख्या १८ हजार ३४६ पुगेको छ ।
यस्तै सोमवार थप ९ जना डिस्चार्ज भएका छन् । योसँगै डिस्चार्ज हुनेको सँख्या १७ हजार ९४९ पुगेको छ ।
