कञ्चनपुर : एम्बुलेन्सको ठक्करबाट कृष्णपुर नगरपालिका–५ का करिब ४५ वर्षीय कृष्णबहादुर ऐरको मृत्यु भएको छ । कैलालीको अत्तरियाबाट महेन्द्रनगरतर्फ जाँदै गरेको म १ च २८८ नम्बरको एम्बुलेन्सले साइकलमा दुध बोकेर जाँदै गरेका ऐरलाई बुधबार पूर्व–पश्चिम राजमार्गको कृष्णपुर नगरपालिकाको गुलरिया नजिक ठक्कर दिएको हो ।
एम्बुलेन्सको ठक्करबाट गम्भीर घाइते भएका ऐरको उपचारका क्रममा धनगढीस्थित सेती प्रादेशिक अस्पतालमा मृत्यु भएको जिल्ला प्रहरी कार्यालय कञ्चनपुरका प्रहरी नायब उपरीक्षक सिद्धराज न्यौपानलेले बताए ।
एम्बुलेन्सका चालक भीमदत्त नगरपालिका–१६ का करिब ४० वर्षीय गणेश विष्टलाई प्रहरीले नियन्त्रणमा लिएको छ । क्षतिपूर्तिको माग गर्दै स्थानिय बासिन्दाले बिहानैदेखि पूर्व पश्चिम–राजमार्गको गुलरिया क्षेत्रमा सडक अवरुद्ध गरेका थिए । अहिलेसडक सञ्चालनमा आइसकेको छ ।
