नेपालगञ्ज : इलाका प्रहरी कार्यालय कोहलपुरले आफुलाई प्रहरी निरीक्षक भन्दै सर्बसाधारणलाई धम्क्याउँदै हिँड्ने एक जनालाई पक्राउ गरेको छ ।
कोहलपुर ११ बसपार्क एरियामा शनिवार राती १० बजे आफुलाई सिआइबीको इन्स्पेक्टर हु भन्दै धम्क्याउँदै हिंडेका दार्माकोट २ सल्यानका ३२ बर्षीय दिपेन्द्र रोकायलाई राती पक्राउ गरेको कोहलपुरका डिएसपी रबिन्द्र खनालले जानकारी दिएका छन् ।
पक्राउ परेका रोकायले इन्स्पेक्टर हु भनेर स्थानीय, होटेल तथा पसलहरुमा गएर धम्की दिँदै हिँडेको अवस्थामा पक्राउ गरेको डिएसपी खनालले बताए ।
पक्राउ परेका रोकायसँग थप अनुसन्धान गरिरहेको खनालले जानकारी दिए ।
