नेपालगञ्ज : बाँके शनिवार थप १७ जनामा कोरोना संक्रमण पुष्टि भएको छ । जिल्लाको तीन वटा प्रयोगशालामा १२२ नमुना परीक्षण गर्दा १७ जनामा कोरोना संक्रमण पुष्टि भएको हो ।
भेरी अस्पतालमा ४६ नमुना परीक्षण गर्दा ९ जना, मेडिकल कलेज कोहलपुरमा ३९ नमुना परीक्षण गर्दा ६ जना र बागेश्वरी ल्याबमा ३७ नमुना परीक्षण गर्दा २ जनामा कोरोना संक्रमण पुष्टि भएको जिल्ला कोभिड व्यवस्थापन केन्द्रका फोकल पर्सन तेज वलीले जानकारी दिए ।
यस्तै शनिवार थप ५ जना कोरोनामुक्त भई डिस्चार्ज भएका छन् । योसँगै हालसम्म डिस्चार्ज हुनेको संख्या १७ हजार ६ सय ३७ पुगेको छ ।
