दाङ : रुपन्देहीमा ठूलो परिमाणको लागुऔषधसहित ३ जना पक्राउ परेका छन् । बुटबल उपमहानगरपालिका वडा नं. २ मैनाबगरस्थित रहेको सानु देबि पुन बस्दै आएको घरबाट तीन जना पक्राउ परेको प्रहरीले जनाएको छ ।
पक्राउ पर्नेमा ४५ वर्षीया सानुदेवीसहित रुपन्देहीको सिद्धार्थ नगरपालिका वडा नं. ३ खजना घर भएका ४१ वर्षीय प्रकाश बानिया र नवलपरासी पश्चिम सरवाल गाउँपालिका वडा नं. ४ बस्ने ३५ वर्षिया शोभादेवी हरिजन रहेका छन् ।
उनीहरुको साथबाट प्रहरीले लागुऔषध सेरिजेक ४७६ थान, नुफ्रिन ४६२ थान, फिनारगन ४५७, नाइट्रोसन ७० ट्यबलेट, नाइट्रोभ्याट ६७५ ट्याबलेट र गाजा ४९० ग्राम बरामद गरेको लुम्बिनी प्रदेश प्रहरी कार्यालय दाङले जनाएको छ ।
लागूऔषध कारोबार गर्दैछन भन्ने सूचनाको आधारमा ईलाका प्रहरी कार्यालय बुटवलबाट खटीएको प्रहरी टोलीले उनीहरुलाई पक्राउ गरेको हो । पक्राउ परेकामाथि थप अनुसन्धान भइरहेको प्रहरीले जनाएको छ ।
