गुल्मी : मुसिकोट नगरपालिकामा जिप दुर्घटना हुँदा तीनजनाको मृत्यु र सातजना घाइते भएका छन् ।
चन्द्रकोट गाउँपालिकाको शान्तिपुरबाट तम्घासतर्फ आउँदै गरेको लु १ ज ४५५९ नम्बरको जिप मुसिकोट नगरपालिका–४ को दोभानमा दुर्घटना हुँदा तीनजनाको घटनास्थलमै मृत्यु भएको जिल्ला प्रहरी कार्यालय गुल्मीका प्रहरी नायब उपरीक्षक पुरुषोत्तम पाण्डेले जानकारी दिए। मृतकको सनाखत हुन सकेको छैन् ।
घटना स्थलमा जिल्ला प्रहरी कार्यालय गुल्मीको टोली र सशस्त्र प्रहरीको टोली उद्धारमा खटिएको प्रहरी नायब उपरीक्षक पाण्डेले बताए । घटनाको बिस्तृत बिवरण आउन बाँकी छ ।
