मेडिकल कलेजका कर्मचारी र प्रशासनबीच सहमति

सदरलाइन संवाददाता ८ श्रावण २०७८, शुक्रबार १३:४१
 

नेपालगञ्ज : नेपालगञ्ज मेडिकल कलेज शिक्षण अस्पतालमा आन्दोलनरत कर्मचारी र अस्पताल प्रशासनबीच सहमति भएको छ । मासिक तलव, कोभिड भत्तालगायतका माग राखेर एक हप्तादेखि अस्पतालका स्वास्थ्यकर्मी र कर्मचारीहरु आन्दोलनमा थिए ।

अस्पताल प्रशासन र आन्दोलनरत कर्मचारीबीच भएको वार्ता अनुसार बैशाख महिनाको तलव यही साउन १० गतेभित्र भुक्तानी गर्न अस्पताल प्रशासन सहमत भएको छ ।

यस्तै जेठ महिनाको तलव साउन २० गतेभित्र र असार महिनाको तलव भदौ पहिलो साताभित्र भुक्तानी गर्न अस्पतालले प्रतिबद्धता जनाएपछि तत्कालका लागि आन्दोलन रोकिएको आन्दोलनरत कर्मचारी मुनिर खाँले जानकारी दिए ।

यस्तै वीमा, खाजा भत्ता, ओभरटाइम, सामाजिक सुरक्षा वाफतको रकम भने साउन मसान्तभित्र टुङ्ग्याउने सहमति भएको अस्पतालका उपनिर्देशक श्यामकुमार शर्माले जानकारी दिए ।

Leave a Reply

Your email address will not be published. Required fields are marked *

Next Post

मुख्यमन्त्री भट्ट र प्रधानमन्त्री देउवाबीच भेटवार्ता

८ श्रावण २०७८, शुक्रबार १३:४१
धनगढी : सुदूरपश्चिम प्रदेशका मुख्यमन्त्री त्रिलोचन भट्ट र प्रधानमन्त्री शेरबहादुर देउवाबीच भेटवार्ता भएको छ । प्रधानमन्त्रीनिवास बालुवाटारमा शुक्रबार बिहान मुख्यमन्त्री भट्ट र प्रधानमन्त्री देउवाबीच भेटवार्ता भएको हो । भेटवारर्तामा मुख्यमन्त्री भट्टले सुदूरपश्चिम प्रदेशमा कोरोनाको जोखिम नियन्त्रणका लागि प्रधानमन्त्री देउवालाई सहयोग गर्न माग आग्रह गरेका छन् । उनले जतिसक्दो चाँडो कोरोनाविरुद्धको […]