नेपालगञ्ज : बाँकेमा मंगलवार थप २३ जनामा कोरोना भाइरस संक्रमण पुष्टि भएको छ । जिल्लाका तीनवटा प्रयोगशालामा १४५ नमुना परीक्षण गर्दा २३ जना संक्रमित थपिएका हुन् ।
भेरी अस्पतालको प्रयोगशालामा ७४ नमुना परीक्षण गर्दा १८ जना, मेडिकल कलेज कोहलपुरको प्रयोगशालामा ३८ नमुना परीक्षण गर्दा ५ जना र बागेश्वरी ल्याबमा ३३ नमुना परीक्षण गर्दा कसैमा पनि संक्रमण देखिएको छैन । थपिएका संक्रमित मध्य जिल्लाका ४ जना छन् ।
जिल्लामा हालसम्म ८६ हजार ९०४ नमुनाको पीसीआर परीक्षण सम्पन्न भएको छ । संक्रमणबाट निको भएर गएको २४ घण्टामा थप ५ जना डिस्चार्ज भएका छन् ।
त्यस्तै उपचारका लागि जिल्ला बाहिरबाट आएका एकजनाको संक्रमणका कारण मृत्यु भएको जिल्ला कोभिड १९ संकट व्यवस्थापन समितिले जनाएको छ ।
