नेपालगञ्ज : बाँकेका थप ५ जनामा कोरोना पुष्टि भएको छ । जुन जम्मा परिक्षणको ३३.३ प्रतिशत हो । आज ४ जना डिष्चार्ज भएका छन् ।
यहाँका तीन वटा प्रयोगशालामा गरिएको परिक्षणमा बाहिरी जिल्लाका समेत गरी १५ जनामा कोरोना पुष्टि भएको छ । कोरोनाबाट बर्दियाकी एक महिलाको मृत्यु भएको छ ।
भेरी अस्पतालमा गरिएको परीक्षणमा १० जना, मेडिकल कलेज कोहलपुरमा ४ जना र बागेश्वरी ल्याबमा १ जनामा कोरोना संक्रमण पुष्टि भएको जिल्ला कोभिड १९ संकट व्यवस्थापन केन्द्रका फोकल पर्सन तेज ओलीले बताए ।
हालसम्म बाँकेमा १७ हजार ४ सय ९६ जना संक्रमित भएका छन् । ती मध्ये १७ हजार १ सय २८ जना निको भई डिष्चार्ज भएका छन् । संक्रमित मध्ये ३ सय ११ जनाको मृत्यु भएको छ ।
जिल्लामा ६४ जना सक्रिय संक्रमित रहँदा ३२ जना अस्पताल र आइसोलेसनमा छन् भने ३६ जना होम आइसोलेसनमा छन् ।
