नेपालगञ्ज : कोरोना भाइरस संक्रमणबाट बाँकेमा थप तीन जनाको मृत्यु भएको छ । भेरी अस्पतालमा दुई र नेपालगञ्ज मेडिकल कलेज शिक्षण अस्पताल कोहलपुरमा एक जना गरी तीन जनाको मृत्यु भएको हो ।
मृत्यु हुनेमा बाँकेका एकजना र दाङका एकजना रहेको जिल्ला कोडिभ व्यवस्थापन समितिले जनाएको छ । बाँके खजुरा गाउँपालिका–३ बाँकेका ८० वर्षीय पुरुषको बिहीवार राती भेरीमा मृत्यु भएको हो ।
यस्तै दाङ राजापुर गाउँपालिका–१ का ७७ वर्षीय पुरुषको पनि भेरीमै मृत्यु भएको छ । घोराही उपमहानगरपालिका–७ दाङकी ४२ वर्षीया महिलाको भने कोहलपुरमा मृत्यु भएको हो ।
योसँगै बाँकेमा भाइरस संक्रमणबाट ३०६ र बाहिरी जिल्लाबाट उपचारका लागि आएका ३३० जनाको मृत्यु भएको छ ।
